அன்புடையீர்,
வணக்கம். நமது பாரத மிகுமின் தொழிலக முத்தமிழ் மன்ற வலைப்பூவிற்கு தங்களை அன்புடன் வரவேற்கிறோம்.
திருச்சிராப்பள்ளி பாரத மிகுமின் தொழிலக வளாகத்தில் கடந்த 1967 ஆம் ஆண்டு துவங்கப்பட்டு இன்று 46 ஆம் ஆண்டில் அடியெடுத்து வைத்திருக்கும் முத்தமிழ் மன்றமானது, தமிழ்மொழி வளர்ச்சிக்கான பணிகளை இடைவிடாது செய்துவரும் அமைப்பாகும்.
நமது வளாகத்தில் உள்ள பள்ளிகள் மற்றும் திருச்சிராப்பள்ளி நகரை சுற்றியுள்ள அனைத்துப் பள்ளிகளின் மாணாக்கார்களுக்கு தமிழ் சார்ந்த பல்வேறு போட்டிகளை நடத்தி பரிசளிப்பத்தின் மூலம் முத்தமிழ் மன்றம் அவர்களது மனங்களில் தமிழ்ப்பற்றை பசுமரத்தாணியாக பதியச் செய்கிறது. மேலும் தமிழ் பாடத்தில் முதல் மதிப்பெண் பெறக்கூடிய மாணாக்கார்களுக்கு பரிசுகள் வழங்கி ஊக்குவித்து வருகிறது.
தமிழ்மொழியின் வளர்ச்சிக்காக சிறப்பாக பங்காற்றிய தமிழறிஞர்களான தெய்வப்புலவர் திருவள்ளுவர், மகாகவி பாரதியார், புரட்சிக்கவிஞர் பாரதிதாசன், பேரறிஞர் அண்ணா ஆகிய நால்வருக்கும் ஆண்டுதோறும் விழாக்கள் எடுத்து அவர்களது அரும்பணியை போற்றி வருகிறது.
இவைதவிர பட்டிமன்றம், நூல் ஆய்வரங்கம், சிந்தனை அரங்கம், பேசும்கலை வளர்ப்போம், மற்றும் நாடகம் ஆகிய நிகழ்ச்சிகள் முத்தமிழ் மன்றத்தில் நடத்தப்படும் நிகழ்ச்சிகளில் குறிப்பிடதக்கவை.
இத்தகு பெருமை மிகுந்த நமது முத்தமிழ் மன்றத்தில் உறுப்பினராக சேர்வதன் மூலம் தமிழ்மொழி வளர்சிப்பணியில் தங்களை இணைத்துக் கொள்ள அன்புடன் வேண்டுகிறேன்.
தங்கள் அன்புள்ள,
செ.இராமசெயம்
அமைப்புச் செயலாளர்
முத்தமிழ் மன்றம்.
